توضیحات

بایاتین یاخشی گلسین

• عمار احمدی
• ناشر: ساوالان ایگیدلری
• 323 صفحه
• چاپ اول 1397
• شابک: 6-23-8821-600-978

عمار احمدی نین بایاتی دفترینه مقدمه

بایاتی، سئوگی دئمکدیر. بایاتی، یانمیشلارین کؤزرله ین اوتونداکی نیسگیل، چاتمایانلارین اوره ییندن قالخیب دوداغیندا قورویان حسرت دیر. بایاتی، مظلوملارین ناغیلی، اردملی یوخسونلارین، یوخسوللارین حکایتی دیر. گوجسوزلرین، مظلوملارین یاندیران آهی، اورکده قالان آرزیلارین آغیرلیغی دیر بایاتی. آچمامیش سونلاردان، قریب ئولنلردن، میداندا تک قالیب، یوز یاندان وورولانلاردان دانیشیر بایاتی. حق سؤیله ینلردن، عزیزینی، سئوگیسینی اورکده باسدیرانلاردان، سؤز آچیر بایاتی. حسرتین، نیسگیلین، آغرینین، قابغینین بیرگه سسی، یانیقلی، حزین نغمه سی دیر بایاتی.

دئمه لی یم، عمارین دفترینده گلنلرین ایچینده، دئدیکلریمیزدن ده اولسا، سئونلرین حسرتینی، چاتمایانلارین یانیب کول اولماسینی ایچه رن لر اوستونلوک قازانیر. بو دفتر، قدیم زامانلاردان آنالاریمیزین، اردبیل ده ده دب اولان، گؤزل بایاتی فالینادا اویقون گؤرونور.

علیرضا حمیده خو