توضیحات

توفارقانلی عاشیق عباس

• حاضیرلایان: حسین ساعی
• ناشر: نشر اختر
• چاپ دوم 1399
• 304 صفحه
• شابک: 6-523-517-964-978

آذربایجان عاشیق یارادیجیلیغی نین ان مشهور سیماسی عاشیق عباس توفارقانلی دیر. سؤزومون ثبوتی ایسه ایکی عامله دایانیر. بیرینجی بو کی عاشیقلارآراسیندا بئله بیر فیکیر وار: «داستانلارین شاهی عباس – گولگز داستانی، وزیری ایسه قوربانی – پری داستانی دیر». ایکینجی بو کی بارماق سایدا کلاسیک عاشیقلاریمیز، عباس توفارقانلی قدر مختلف بؤلگه لرده تانینا بیلمیشدیر. اراک – ساوه تورکلریندن توتموش، آذربایجان، عراق و تورکیه تورکلری آراسیندا یاییلمیش بو سئوگی داستانی مختلف واریانت و وئرسییالاردا بو گون ده دیللر ازبری دیر.

بیرینجی شاه عباس صفوی دؤورونده یاشامیش عاشیق عباس توفارقانلی تورک، عرب و فارس دیللرینه مکمل شکیلده تانیشلیغی واریمیش. اونون یاراتدیغی مختلف بیچیملرده شعرلر، چوخ آخارلی، معنالی و ادبی – بدیعی صنعتلرله دولودور. عاشیق عباسین، عاشیق صنعتینده بیرینجی دفعه یاراتدیغی جیغالی تجنیس، تام جناس، مخمس دیوانی،گولشان نامه کیمی ژانرلاری،یوخاری درجه ده اهمیت مالک دیر.

عاشیق عباس یارادیجیلیغیندا گرایلی، قوشما، دیوانی، غزل و … بیچیملی، جناس، الیف بئی و … ادبی – بدیعی صنعتلی، معراج نامه، وجود نامه، امام نامه، گؤزللمه، شکایت نامه و مضمونلو شعرلر موجوددور.