اوستاد یحیی شیدا گونش ایلی 1303 ده محتشم تبریز شهرینده ایشیق دونیایا گوز آچیب و 1390 مهر آیی نین 28نجی گونو وفاتی ایلن بوتون ایستکلی لرین یاسا باتیبریبلار. اونلار ایلک تحصیلاتین اوز بیلیک لی آتاسیندان الده ائدیب، کیچیک یاشلاریندان عذبی و آلمانی دیللری ایله تانیش اولوب، 19 یاشیندا شعر یازماغا باشلاییب و یازیچی لیق و تدقیق عالمینه قاتیلیبلار.

اوستاد شیدا شعر عالمینده اوزه ل اوسلوبلو و بدعت گذار شخصیت لردن دیرکی شعرین هر شاخه سینده تجربه ائدیب. اونلارین ادبی، ملی، طراوتلی شعرلری و ملاحتلی طنزلری انتباه اذانی اولاراق آغیر ایل لرده اوخوجولارا غیرت، شهامت و وطنپرورلیک درسی اویره دیبدیر.

اوستا شیدا برکتلی عومرلرینده نئچه رومان، شعر دفترلری، رادیو نمایشنامه لزی، و تحقیقی مقاله لر گونده لیک لر و درگی لرده یازیب و اوچ جیلد «ادبیات اوجاغی» آدلی مجموعه کی آذربایجانین معاصر شاعرلرینین تذکره احوالین احتوا ائدیر یادگار قویوبلار. هابئله یوزلر جوان و معاصر شاعرلرین اثرلرین تنقید و تصحیح ائدیب اونلارا اون سوز یازیبلار. بیر بو قراره گلمیشیک کی اوستادین کئچه چکده یازیب یاراتدیقی اثرلری بیر داها چاپا بوراخیب، یاییلمامیش یازیلارین نشر ائده ک.