توضیحات

سییریلمیش قیلینج (بابک)

• جلال برگوشاد
• کؤچورن: جعفر جناغی
• ناشر: انتشارات آذرتورک – نباتی
• بیرینجی چاپ 1396
• 516 صفحه
• شابک: 6-80-8343-600-978

قدیم تاریخچیلر انسان ذکاسییلا یارادیلمیش دونیانی حئرته گتیرن نادر اثرلری معجزه آدلاندیرمیشلار. منه ائله گلیر کی، اگر معاصر تاریخچیلر «معجزه لی انسانلار» اصطلاحینی ایشلتمک فکرینه دوشسلر بابک خرمینی اونلاردان بیری حساب ائدردیلر.

تاریخ بابکی نسیللره مرد جنگاور و افسانوی بیر شخصیت کیمی تانینمیشدیر. جلال برگوشاد «سییریلمیش قیلینج» رومانینی بابک خرمینین معجزه لی حیاتینا حسر ائتمیشدیر. او وطنداش صنعتکار احتراسی ایله اوخوجوسونا خاطیرلاتماق ایستییر کی سن بؤیوک بیر خالقین اوغلوسان! سنین اجدادین بابک اولوب! سن قاچاق نبی نسلیندن سن! مولف قلمه آلدیغی دؤر دریندن اؤیرنیب یارادیجیلیق سوزگجیندن گئچیررک تاریخی حادثه لره بو گونون گؤزویله باخیر و بونلاری معاصر طلبلر معقیندن اوخوجولارا چاتدیریر.

رومانی اوخویارکن آدام ایستر – ایستمز او دؤورو خلافتده جریان ائدن حادثه لری گؤز اؤنونه گتیریر… تاریخچیلر عباسیلر دؤورونو قیزیل و اینتیباح دؤورآدلاندیریرلار. لاکن اصلینده بو دؤور کسکین ضدیتلر سویغونچو محاربه لر قورخونج سو قصدلرله دولو ایدی. آج گؤز عباسی خلیفه لری دین پرده سی آلتیندا تالانچی محاربه لرینی دورمادان داوام ائتدیریر، توتدوقلاری اؤلکلره آز آغالیقلارینی محکملندیریر، ایشغالا معروض خالقلارا آغیر جزالار وئریر، همین اؤلکلره اولمازین جنایتلر تؤره دیردیلر.

رومان بویو بابک، ظلمتلره ایشیق ساچان بیر حقیقت قیلینجی کیمی پارلاییر، غرور، قهرمانلیق دویقولاری آشیلاییر. اوخوجو روماندا تصویر ائدیلن سارسیدیجی صحنه لرله تانیش اولدوقجا بئله بیر قناعته گلیر کی، من ده گرک وطنی بابکیم کیمی سئوم! من ده گرک دوغما تورپاغی یادائللی ایشغالچیلاردان بابک کیمی قورویام!

ضیا بونیاداوو