توضیحات

عاشیق کاماندار

سئچیلمیش شعرلر

• حاضیرلایان: محمد عبادی قاراخانلو «آلیشیق»
• ناشر: نشر اختر
• چاپ اول 1399
• 272 صفحه
• شابک: 5-294-517-964-978

عاشیق کاماندار افندی یئو حمید اوغلو 1932- جی ایلده بورچالی نین ساروان (ایندیکی مارنئولی) قصبه سینین کور، اوستو، دمیرچی حسنلی نین، «کَپَنَکچی» کندینده آنادان اولوب. کوسالی ناتامام اورتا مکتبینی بیتیریب، تراکتورچو کمکچی سی کیمی امک فعالیتینه باشلامیشدیر. اونون آدی جبهه دؤیوشن قارداشی طرفیندن قمندر قویولموشدور. آنجاق بیر توی مجلیسینده شاعیر عثمان ساریوللی نین ایسته گینه اساسا «کاماندار» آدیلا دییشدیریلمیشدیر. او بیر چوخ شعرلرینده «جیحون» تخلص وئرمیشدیر.

عاشیق کاماندارین عاشیقلیق صنعتینه اولان ماراغی اونو تانینمیش اوستاد عاشیق صادق سلطان اووون یانینا آپارمیشدیر. بئش آی اوندان فایدالاناندان سونرا عاشیق محمد شیخلی و ان چوخ عاشیق اَمراه گول ممداووون شاگردی اولموشدور. 15 یاشیندان اعتبارا اؤلکه سینین بوتون مدنی تدبیرلرینده اشتراک ائتمیشدیر. 1959- جی ایلده موسکوودا کئچیریلن آذربایجان مدنیتی اون گونلو گونون ان یاخشی اشتراکچی و مکافاتچی سی اولموشدور. 1963 و 1984- جو ایللرده کئچیریلن آذربایجان عاشیقلارینین اوچونجو قورولتایینین نماینده سی اولموش امکدار مدنیت ایشچی سی آدینا لایق گؤرولموشدور. 1986-جی ایلده تیفلیس ده کئچیریلن بین الخالق یارادیجیلیقلاری فئستیوالیندا ان ماهر موسیقی چی کیمی رتبه قازانمیشدیر.

عاشیق کاماندار 72 ساز هاواسینی ایفا ائتمکده اؤزوندن بؤیوک مهارت گؤسترمیشدی. او اؤزو «فخری»، «قارا گؤز بالام»، «دوغما گورجستانیم»، «تورکو گؤزللمه سی»، «تورکو هاواسی»، «قوربانی هاواسی» و … کیمی بیر نئچه ساز هاواسینی بسته له میشدیر.

عاشیغین ایلک شعرلر کتابی 1989- جی ایلده باکی دا یازیچی نشریاتی طرفیندن «بورچالی لایلاسی» آدیلا ایشیق اوزو گؤرموشدور. ایکینجی شعرلر کتابی «بنؤوشه» آدی ایله 2004-جی ایلده عاشیغین 75 ایلیگی مناسبتیله باکی پئداقو گیکا نشریاتی طرفیندن «من ائللر عاشیغی خان کاماندارام» آدیلا اوخوجولارین الینه چاتمیشدیر. عاشیق کاماندارین بورچالی لایلاسی آدلی کتابی 1382- جی ایلده محمد محمودیان بسطام طرفیندن کؤچورولوب تهراندا اندیشه نو نشریاتی طرفیندن چاپ ائدیلمیشدیر.