توضیحات

قاردنه سی

دونیا شعری

• دومان اردم، آهو حسانی
• سهمانلایان: بهرام سورگون
• یاییملایان: انتشارات نباتی
• 80 صفحه
• بیرینجی چاپ 1398
• شابک: 7-14-5892-600-978

هایکو، ژاپون یازیسینین ان قدیم شعر بیچیم لریندن دیر، اوچ سطیر و اون یئدی کلمه دن معین اولان بو نوع شعر چوخ قیسا و سون درجه ده اعجازلا یازیلیر. ان تانینمیش هایکو شاعیرلریندن باشو، ایسسا، چووسی، تاییقی، سوساکی وسوئژونون آدلارینی چکمک اولار.

قوجا شرقین ان قدیم شعر نوع لریندن بیری ایسه «snow» ائله جه «قار» شعریدیر.

قار بولودلاردان یاغیر، آغ – آپ باغ، پامبیق دنه لری کیمی، آغلیغین، صافلیغین و یوموشاقلیغین اوزودور. گوناهلاردان آرینمیش قار دنه لری، قیزدیرمالی اووجلارا قونان قار دنه لری …

دئمک ایسته دیییمیز بودور کی، بو کیتابدا چئویریب و تقدیم ائله دیییمیز شعرلره «قار» آدینی وئرمک «هایکو» دان داها اویغون گؤرونور. آنجاق اعتراف ائتمه لییک کی ترجمه لریمیزده هایکو شعرینین ان اساس پرینسیپ لرینه صادیق قالماغی باجارانمادیق. بیر طرفدن اگر بوردا سئچدیییمیز، دونیانین موختلف بولگه لریندن و یئنی تجروبه لری اؤزلرینده عکس ائتدیرن شاعیرلر بئله هایکونون اساس قایدالارینا بیگانه قالیب لار، و بونون اوچون ده بیز بو شعرلری هایکو دئییل «قار» آدلاندیریریق بو ترجومه نی حاضیرلادیغیمیزین بیر سببی، بو نوع شعرین یارادیجیلیغیمیزدا بیر دؤنه اولاراق ایزلری و «قار» شعرینده تجروبه لریمیز ایدی، اصلینده «قار» چکدیییمیز نفس دیر و بوراخدیغیمیز نفس، دئمک بوتوک آنیلار نفسده اؤز معناسینی تاپیر، و حیاتین بوتونلویونه یاشاماق اوچون آنیلار یارادیلیر! چونکی بعضن تکجه بیر آن تکجه بیر نفسده حیاتی یاشاییریق! دئمک آن و نفس وار حیاتا برابر. چنگیز آیتماتوو دئمیشکن گون وار عصره برابر. بوردا دونیانین موختلیف بؤلگه لرینده کی دوندورلموش و کلمه یه کوچموش آنیلاری و نفس لری چئویریب و سیزه تقدیم ائدیریک، بو سیز بودا 77 دنه سپ-سرین قار دنه سی.

آهو حسانی و دومان اردم