توضیحات

محکمه

• فرانتس کافکا
• چئویرن: ویلایت حاجی ینو
• حاضیرلایان: یاسین قربانی
• بیرینجی چاپ 1396
• 322 صفحه
• ناشر: پارلاق قلم
• شابک: 5-56-7793-600-978

زاواللی بشر اؤولادینین درک اولونماز سیرلی قوه لر قارشیسیندا عاجیزلییی، همیشه اونلارین قوربانینا چئوریلمه سی فرانس کافکانین «محکمه» (1914) رومانینین اساس ایدئیاسینی تشکیل ائدیر. … اوتوز یاشی تامام اولان گونو، هئچ بیر گوناه ایشلتمه سه ده، ویجدانلی، ایش گوذار بانک مامورو یوزف ک. حبس اولونور و ایش گئدیب محکمه یه چیخیر. یوزف ک. گوناه سیز اولدوغونو بیلسه ده، باش وئره نلره سویوق قانلی لیقلا یاناشماغا چالیشا دا، بو خبردن سونرا نه یاشادیغی ائوده، نه ده ایشده راحتلیق تاپا بیلمیر، دایم بو گیزلی، غیری – عادی محکمه باره ده دوشونور. سیرلی محکمه چوخ مرتبه لی بیر بینانین چارداغیندا یئرلشیر، ایشچیلرینین، ائله جه موحاکیمه ائتدییی آداملارین سایی – حسابی یوخدور. بورادا هامی گوناهکاردیر و هئچ کسین گوناهی اوزونه اوخونماسا دا، هامی جزاسینی چکمه لی دیر. ایلک گونلر بو محکمه دن لاپ تئزلیکله جانینی قورتاراجاغینا امین اولان یوزف یالنیز اؤزونو مدافعه ائتمکله کیفایت لنمیر، اوراداکیلاری جسارتله تنقید ائدیر، «قانون کئشیک چیلرینی» قانونسوزلوق دا گوناهلاندیریر. لاکین داخیلینده باش قالدیرمیش اعتراض حیسلری تدریجا ضعیفله مه یه باشلاییر و او دا آخیردا بو معمالی محکمه نین سئحرینه دوشور، ساکیت، راحت حیاتی اؤز مجراسیندان چیخیر، داخیلینده باش قالدیرمیش ناراحاتچی لیق، گوناه حیسلری اونو حتی چاغیریلمایاندا دا اورا آپاریر، چونکی بو گؤزگؤرونمز محکمه آرتیق اونون ایراده سینی، عاغلینی الیندن آلیب، سئحرله ییب، اؤز اسیرینه چئویریب …