توضیحات

کوراوغلو داستانی

• محمدحسین تهماسب
• اوشاقلار اوچون ایشله یه نی: احترام الهام
• حاضیرلایان : بهرام سورگون
• ناشر: پارلاق قلم
• 172 صفحه
• بیرینجی چاپ 1399
• شابک: 4-07-6993-622-978

کوراوغلو بیر چوخ تورک خالقلارینین اورتاق فولکلور قهرمانی دیر. تدقیقاتچیلار اونو تاریخی شخصیت اولدوغو بیلدیریرلر. آراشدیرمالاردا قئید ائدیلیر کی، کوراوغلو عصرین سونوندا آذربایجاندا عثمانلی امپراطورلوغونا قارشی مبارزه آپاران جلالیلر حرکاتینین فعال عضولریندن بیری اولموشدور. تاریخی منبع لرده اونونلا یاناشی دلی حسنین، کوسا صفرین، تانری تانیمازین، گیزیر اوغلو مصطفی بی ین ده آدی چکیلیر. بئله گومان ائتمک اولار کی، کوراوغلو هم ده استاد عاشیق اولدوغونا و شعر قوشدوغونا گؤره داها مشهور اولموشدور.

ماراقلی دیر کی، عصرلر بویو یالنیز عاشیقلارین ایفاسیندا یاشایان «کوراوغلو» داستانی ایلک دفعه 19 جی عصرین بیرینجی یاریسیندا چوخ قیسا واریانتدا اولجه آلمان، سونرا اینگلیس و روس دیللرینده نشر اولموشدو. داستانین داها دولغون واریانتینین نشری ایسه 20 عصرین 40-جی ایللرینه تصادف ائدیر. 1949-جو ایلده باکیدا 17 قولدان عبارت «کوراوغلو» نشر اولونموش بیر نئچه ایل سونرا ایسه داها بیر قول – «مرجان خانیمین چنلی بئله گلمه یی» علاوه ائدیلمیشدیر. ائپوسو دریندن آراشدیران ادبیات تاریخچی لری اونون باشقا قوللارینین دا اولدوغونو سؤیله ییرلر.

اورتا مکتب شاگیردلری اوچون نظرده توتولان بو کتاب گؤرکملی عالیم محمد حسین تهماسب طرفیندن ترتیب اولونموش داستانین ساده لشدیریلمیش و اختصار اولونموش واریانتی اولسا دا، بورادا داستانین بوتون قوللاری اؤز عکسینی تاپمیشدیر.