توضیحات

یوز مشهور هایکو

• دانییل سی.بوکنن
• مترجم لر: علیرضا اقدمی باهر ، فربد اقدمی باهر
• ناشر: ساوالان ایگیدلری
• چاپ اول 1399
• 113 صفحه
• شابک: 5-673953-622-978

ژاپوندا نئچه یوز ایل اول شعر یاریش لاری نتیجه سینده هوکو ( شعر یوللاما) باخود هایکو (شعر اویونو) آدلانان شعر فورماسی یاراندی. بئله شعرلره های کای (اویغون اویون) دا دئییلیردی. آنجاق ایندی عموما هایکو سؤزو ایشلنمکده دیر. هایکونون فورماسی چوخ ساده دیر: اونون یالنیز اوچ سطری وار، بیرینجی سطیرده بئش هئجا، ایکینجیده یئددی، اوچونجوده ایسه بئش هئجا وار. اوست – اوسته هایکو اون یئددی هئجادان دوزلیر. بو محدود دایره نین ایچینده چوخ مختلف فیکیرلری ایفاده ائتمک اولار.

ژاپونلو هایکو یازان شاعیرلرین سئودیک لری مؤوضوع لارین بعضی لری بونلاردیر: حیاتین قیسالیغی، قادین، قوش لار، باشقا حیوان لار، حشرات، آغاج لارلا چیچک لر، داغ لار، آی، گونیش دوغماسی، قار، یاغیش، چن هم ده طبیعتین آیری جهت لری … چوخ زامان فصله بعضا ده، بیر باشا اولاراق ایشاره وار، مثال اوچون: قیشی گؤسترن «سویوق آی»، یازی گؤسترن «اود بؤجه یی»، پاییزی گؤسترن ایسه «قایین آغاجی نین یارپاق لاری».

… بو شعرلری چئویریرکن؛ چالیشمیشام اونلارین اوچ سطیرلیک هایکو فورماسینی ساخلایام … ایضاح ائدیجی قیدلر بعضی اوخوجولارا لازیمسیز ایش گؤرونسه ده بیر چوخونا ایسه ماراقلی، م ده فایدالی اولا بیلر.