دسته بندی محصولات
معیارهای جستجو
ناشر
ارائه کنندگان

بهمن وطن اوغلو

شاعیر بهمن وطن اوغلو آذربایجان جمهوریتینین کلبجر ماحالی نین سئییدلر کندینده 1932-نجی ایلین دئکابر آیی نین 31-ینده آنادان اولوب. آتاسی نین آدی کالیش، فامیلیاسی عباس اوف دور. او ان گنج چاغلاریندان شعر یازماغا باشلاییب، ائله او واختلاردان شعرلری عاشیق لار و مغنی لر طرفیندن مجلیس لرده اوخونوب جاماعاتین نظرین جلب ائله میشدیر. چوخ چکمه دن شعرلری دیللر ازبری اولوب، آغیزدان –آغیزا سرحدلری آشیب ایران، تورکیه، گورستان و ... یئرلره ده چاتمیشدیر.
بهمن اورتا مکتبی بیتیردیک دن سونرا اؤز کندلرینده کتابخاناچی ایشله ییب سونرا 1960-نجی ایلده آذربایجان دؤولت بیلی یوردونون تاریخ ریشته سینه داخیل اولوب، اورانی قورتاریب اؤز ماحللارینا قاییدیب اولجه لئو کند اورتا مکتبینده معلیم سونرا 0 ایل اؤز کندلرینده اورتا مکتب مودورو اولموشدور. راست گله جه یینیز ((معاصیر آغالار، معاصیربی لر)) شعرینده یازدیغی طنز قوشمالار مودورلوک دن چیخدیغیندان سونرا یارانیب.
بهمن او زامان دا درج اولونماسی ممکن اولمایان، ((من کیمم)) ردیفلی دیوانی، ((بیر علی)) جیناسلی تجنیسی، ((ائیلر آللاه)) ردیفلی قوشماسی کیمی اثرلری یاراداندا، دانلانیب، هده له نیب، کومونیسته، مکتب مودورونه یاراشمایان شعرلر یازیب یایدیغینا گؤره سیخشدیریلمیشدیر. آنجاق بو سیخینتی لار اونو بو یولدا سارسیلدانماییب، قدرتینی آرتیریب ایراده سینی مؤحکم لندیرمیشدیر.
بهمن وطن اوغلو بو سون ایللر ائرمنی لرین تجاووزه اثرلرینده او بیری وطنداشلارینا تای اؤز دوغما یورد یوواسیندان دیدرگین دوشرک گنجه ده ساکین لشمیشدیر. او 1993-نجی ایلدن قصبه تحصیل شعبه سینده چالیشیب تقاعدلیگه چاتمیشدیر. اونون 70 ایللیک آغیرلاما مراسیمی دؤولت طرفیندن 2002-نجی ایلده کئچیریله رک آذربایجان یازیچیلار بیرلیگینه بیر عضو کیمی قبول اولموشدور. نهایت شاعیر 2004-نجی ایلین پاییزیندا ایشیقلی دونیایلا وداعلاشیب ابدیته قوووشموشدور.
بهمن وطن اوغلونون چاپ اولان کتابلاری بونلاردان عبارتدیر:
1-    حاققا قارداش یارانمیشام
2-    آللاه سیز دونیا 1992
3-    وطن بیزی باغیشلاماز 1997
4-    قالدی اورگیمده داغی داغلارین
5-    هایلی هارایلی دونیام
6-    انسانا یازیغیم گلیر 2004
 

محصولی برای نمایش وجود ندارد.

مرورگر شما بسیار قدیمی است!
جهت مشاهده این وب سایت به صورت صحیح، بروزرسانی مرورگرتان ضروری خواهد بود. بروزرسانی مرورگر
×